Ence subirá os prezos da celulosa
Por Redacción
Ence subirá os prezos de venda da celulosa aos seus clientes ata os 800 dólares/tonelada desde o 1 de xaneiro próximo.
Esta decisión prodúcese tralas presións ao alza dos prezos da celulosa derivadas do crecemento que está experimentando a demanda de celulosa de fibra curta celulosa que fabrica Ence no mercado mundial, segundo poñen de manifesto os principais analistas do mercado.
Hai que resaltar que a demanda de papel tisú que se fabrica co mencionado tipo celulosa mantén un crecemento medio anual superior ao 4%, cun comportamento moi bo en novos mercados de alto potencial de crecemento, especialmente na China na que a utilización deste tipo de papel vai introducíndose de xeito significativo nos últimos anos, con taxas anuais de crecemento por encima do 10%.
Ence é o primeiro productor de Europa de celulosa de eucalipto de mercado e segunda empresa por vendas no continente europeo cunha cota superior ao 15% do mercado europeo. A compañía exporta cerca do 87% da súa produción de celulosa grazas á súa avanzada rede loxística e a calidade dos seus produtos, entre os que destaca a celulosa TCF totalmente libre de cloro, altamente apreciada polos países do norte de Europa.
Neste sentido, Ence conta cunha excelente diversificación xeográfica de mercados e unha forte presenza nos principais mercados europeos. A compañía está presente nos segmentos papeleiros con maiores taxas de crecemento, como o papel tisú.