O Porto de Vilagarcía acolle un xigante dos mares
Por Redacción
O buque Stella Becrux, un xigante dos mares con bandeira de Singapur, atópase desde onte amarrado no peirao Comboa 1.
A actividade no porto de Vilagarcía está sendo especialmente intensa nas últimas semanas. No Comercial Oeste 1, atópase o buque Encofrador, no peirao de Ferrazo, o Berit, e en espera o Evidence.
Procedente de Lisboa, o Stella Becrux, chega ao peirao vilagarciano cargado de cereal de Brasil.
As súas impoñentes dimensións espertaron a curiosidade de multitude de persoas desexosas de inmortalizar coas súas cámaras de fotos os 229 metros de eslora, 32 de manga e 9 de calado deste "barquiño".
Ata tres remolcadores foron necesarios para facilitar o atraque do buque.
Está previsto que o Stella Becrux permaneza en Vilagarcía ata o vindeiro xoves.