Suspenden o corte na subministración de auga potable previsto para este mércores
Por Redacción
O corte do servizo de subministración de auga previsto para a noite do mércores e a madrugada do xoves queda suspendido ata nova data. Así o anuncia o Concello de Pontevedra por medio dun comunicado.
O goberno municipal recibiu unha comunicación por parte de Acuaes na que se pedía o aprazamento deste corte por motivos técnicos.
O corte ía afectar aos concellos de Pontevedra, Poio, Marín, Sanxenxo e Bueu.
No caso da capital estaban afectadas especialmente ás zonas de Lérez, Avenida de Lugo, Juan Carlos I, O Marco, Otero Pedrayo, Avenida da Estación, Avenida de Vigo, Salcedo e Conde Bugallal.
Unha vez que se retome a previsión do corte, o Concello de Pontevedra volverá a informar do operativo especial que estaba activado para retomar a subministración o máis rápido posible.