Os traballadores da limpeza da Brilat e da Escola Naval de Marín estudan protestas ante os impagos
Por Redacción
Os atrasos nos pagamentos das últimas nóminas dos corenta traballadores de Cleanet, empresa que realiza o servizo de limpeza na Brilat e na Escola Naval de Marín, levarán ao persoal a estudar mobilizacións nunha asemblea prevista para o luns 17.
Diana Rodríguez e Marcos Cadórniga, de CIG Servizos, lamentaron na mañá deste xoves 13 que a empresa e o ministerio de Defensa acordaron, sen ter en conta os representantes sindicais, que a nómina que se debe de agosto se pague antes de 72 horas mentres que a de setembro se abonaría antes do 21 de novembro, mentres que a de outubro se pagaría o 15 de decembro; mentres que a de novembro e a de decembro se achegaría ao longo de 2015.
Diana Rodríguez indicou que se está a incumprir o acordo alcanzado no Consello de Relacións Laborais (AGA), que provocara a desconvocatoria dunha folga dos traballadores. Ante esta decisión acordada sen ter en conta os traballadores, o plantel decidirá se inicia un calendario de protestas durante a asemblea.
Dende a CIG sinalan que a contratación do servizo se encontra centralizada en Madrid e apuntan que a empresa acaba de asinar unha prórroga ata xuño a pesar dos problemas que está a xerar en distintos puntos de España.
Relacionadas:
-
Os traballadores de Cleanet seguen sen cobrar tres nóminas e farán folga o luns
Por Redacción |
-
Subdelegación pide ás traballadoras de Cleanet que anulen as protestas ante a Brilat o día da patroa
Por Oskar Viéitez | Creada e actualizada
-
O persoal de Cleanet na Brilat e na Escola Naval secunda un paro dunha hora
Por Redacción |
-
Os traballadores de Linorsa decidirán este venres se inician unha folga de limpeza nos centros de saúde
Por Redacción |
-
Os traballadores de Cleanet desconvocan a folga
Por Oskar Viéitez |
-
Os traballadores de Cleanet irán á folga ante os contínuos atrasos no pagamento das súas nóminas
Por Oskar Viéitez |
-
Denuncian atrasos nos pagamentos aos traballadores da limpeza dos edificios militares
Por Anxo Lourido |