A defensa pide a absolución do único condenado polo crime das chinesas
Por Redacción
A defensa de Hai Jie Zhang, condenado pola morte dunha das dúas mulleres chinesas cuxos corpos apareceron nun piso de da rúa Amado Carballo en 2010, pediu a absolución do procesado, na vista de apelación celebrada no Tribunal Superior de Xustiza de Galicia (TSXG).
A vista celebrouse tras o recurso presentado pola defensa contra o fallo da Audiencia de Pontevedra, que condenou a 14 anos de cárcere a Hai Jie Zhang, ao que un xurado considerou autor da morte de Guang Qu, unha das dúas mulleres falecidas.
"Yo no maté a esa chica", afirmou
Na súa quenda de palabra na vista do TSXG, o acusado volveu negar a autoría dos feitos e asegurou que a Xustiza "tiene que creer en mi inocencia". "Yo no maté a esa chica", afirmou.
Na súa exposición, a defensa do acusado solicitou unha sentenza absolutoria para o seu cliente, alegando que o condenado "estaba fuera" de Pontevedra o día da morte da muller e, polo tanto, non tivo "ninguna relación" cos feitos acontecidos.
A defensa, que ve "falta de coordinación" na sentenza ditada pola Audiencia de Pontevedra, asegura que o acusado non ten nada que ver nos feitos polos que foron condenados.
Pola contra, a Fiscalía defende a sentenza da Audiencia de Pontevedra e asegura que se axusta a dereito e, polo tanto, pide a desestimación do recurso.
Segundo o veredicto e a sentenza, o acusado, en compañía doutro home chinés (que non foi axuizado nesta causa), entraron na vivenda coa finalidade de rematar coa vida de Guang Qu que faleceu por asfixia mecánica, ao taparlle todos os orificios respiratorios, e non tivo apenas "capacidade de defensa". Os membros do xurado, por outro lado, consideraron que non quedou probada a participación do único acusado na morte de Zun Kung Yong.
Relacionadas:
-
O TSXG conclúe que se vulnerou o principio de presunción de inocencia do axuízado polo crime das chinesas
Por Natalia Puga |
-
Hai Jie Zhang chora de "frustración": absolto, pero internado
Por Natalia Puga |
-
O TSXG suspende a revisión da sentenza do crime das chinesas e envíaa de novo á Audiencia
Por Redacción |
-
O TSXG aborda o recurso da defensa do condenado polo crime das chinesas
Por Oskar Viéitez |
-
O crime das chinesas de Amado Carballo ten sentenza: 14 anos de prisión para o único procesado
Por Natalia Puga |
-
O xurado declara culpable só dun homicidio o acusado do dobre crime das chinesas
Por Natalia Puga | Creada e actualizada
-
O acusado do crime das chinesas fai o seu alegato: "Si las hubiese matado, me iría del país"
Por Natalia Puga | Creada e actualizada
-
A Policía sobre o crime das chinesas: "es imposible que una persona sin complicidad pueda hacer este trabajo"
Por Natalia Puga & Mónica Patxot |
-
O único acusado polo crime das chinesas de Amado Carballo: "Yo no matar a nadie"
Por Natalia Puga & Mónica Patxot |