A Fiscalía pide seguir investigando seis meses máis a suposta prevaricación das obras de Pasarón
Por Natalia Puga
A Fiscalía da Audiencia Provincial de Pontevedra quere máis tempo para seguir traballando na investigación por presunta prevaricación aberta polos sobrecostes da reforma do estadio de Pasarón. O prazo inicial de seis meses que ten o Ministerio Público para estudar unha denuncia -neste caso, a formulada polo concelleiro do PSdeG-PSOE de Pontevedra Agustín Fernández a título particular- está a punto de esgotarse e pediu unha prórroga de seis meses máis.
A petición dos fiscais de Delitos Económicos Agusto Santaló e Jesús Calles, o fiscal xefe de Pontevedra, Juan Carlos Aladro, asinou un escrito dirixido á Fiscalía Xeral do Estado para pedir esa prórroga.
O propio Santaló confirmou este luns que o escrito se remitiu á Fiscalía Xeral o venres pasado, pero rexeitou achegar detalles sobre este ou sobre os motivos que levaron os fiscais a pedir máis tempo para seguir investigando.
Na investigación polo sobrecusto de Pasarón os fiscais que se encargan do caso xa tomaron declaración ao presidente da Deputación de Pontevedra, Rafael Louzán, e oito deputados e ex deputados do PP que o acompañaron en anteriores etapas como membros da Comisión de Goberno da institución provincial: Xosé Crespo, José Enrique Sotelo, Chema Figueroa, Teresa Pedrosa, Jesús María Vázquez Portela, José Balseiros, Salvador González Solla e José Juan Durán.
A noticia sobre esta petición de prórroga dáse a coñecer ao mesmo tempo que outra vinculada coas obras de Pasarón. Nos últimos días a xuíza instrutora da trama de facturas falsas do grupo empresarial 'Las Cinco Jotas' decidiu abrir xuízo oral contra a construtora Oreco, empresa encargada da reforma do estadio.
Oreco está involucrada nunha das pezas separadas da trama e irá a xuízo por presuntos delitos de falsificación e contra a Facenda Pública tras detectar a xuíza que entre os anos 2006 e 2008 Oreco tería recibido dez facturas da empresa Las Cinco Jotas por traballos que supostamente non se realizaron, correspondendo dúas delas á construción de Pasarón.
Estas facturas referidas ao estadio teñen a mesma data e foron emitidas por dúas das sociedades do grupo investigado co concepto de traballos de albanelaría e de recollida e limpeza á conclusión dos partidos durante un período de seis meses.
Relacionadas:
-
Fiscalía arquiva a denuncia de Agustín Fernández polos sobrecustos de Pasarón
Por Redacción | Creada e actualizada
-
A Fiscalía acusa á construtora de Pasarón de cobrar facturas falsas pola limpeza do estadio
Por Redacción |
-
O Concello leva ao xulgado as expropiacións de Pasarón para reducilas en 600.000 euros
Por Alejandro Espiño |
-
Agustín Fernández considera que a Fiscalía lle dá a razón ao prorrogar a investigación de Pasarón
Por Oskar Viéitez |
-
A Fiscalía pedirá a outras administracións máis documentación sobre as obras de Pasarón
Por Natalia Puga & Mónica Patxot |
-
Louzán declara ante a Fiscalía que os reformados de Pasarón foron aprobados por unanimidade e sen reparos
Por Oskar Viéitez & Alejandro Espiño |
-
Deputación e Concello darán "todas as facilidades" para que se investigue sobre Pasarón
Por Oskar Viéitez |
-
Fiscalía pide todos os expedientes relativos ás obras de Pasarón
Por Redacción |
-
O concelleiro Agustín Fernández afirma que o PSOE apoia a súa denuncia polo sobrecusto de Pasarón
Por Redacción |