Cotobade avanza para aprobar o Poligono Industrial de Salgueirós
Por Redacción
As xestións para aprobar o polígono de Salgueirós deron os seus froitos, segundo o alcalde de Cotobade, Jorge Cubela, e espérase que este mesmo mes se celebre un Pleno Extraordinario no que se aprobará provisionalmente esta instalación industrial á espera da resolución definitiva por parte da Xunta de Galicia.
Cubela afirmou que "despois de dous anos de duras xestións, dende que en 2012 se conseguiu por primeira vez aprobar a tramitación para que Cotobade poida dispoñer de solo urbanizable para uso industrial" engadindo que se aprobou por primeira vez a tramitación urbanística mediante unha modificación puntual das Normas Subsidiarias do Polígono Industrial de Salgueirós, nas parroquias de San Xurxo de Sacos e Viascón.
Dende o Concello indícase que se conseguiron todos os informes favorables a esta tramitación, dende o informe de Patrimonio á Memoria Ambiental. "Non vou mentir, as xestións máis difíciles están conseguidas" afirmou Cubela referíndose á aprobación da tramitación urbanística, "pero o máis importante aínda non está, que é conseguir a dispoñibilidade empresarial, pero vexo capacitado a Cotobade e en condicións óptimas de estar preparado para o futuro máis inmediato e de dar resposta aos pequenos empresarios de Cotobade que non saben onde poden facer unha nave", concluíu o alcalde.
Cubela entende que sería razoable construír un polígono industrial de 163.000 metros cadrados fronte a propostas dos gobernos anteriores en Cotobade que apostaban por un macropolígono de 900.000 metros cadrados.
Relacionadas:
-
Os incendios de 2006 obrigan a desbotar a nova zona industrial de Salgueirós, en Cerdedo-Cotobade
Por Redacción |
-
Cotobade entrega toda a documentación para a aprobación do polígono industrial
Por Redacción |
-
Feijóo comprométese con Cubela a axilizar a aprobación do polígono industrial de Cotobade
Por Redacción |
-
Cubela pide a Fomento a cesión dun tramo da N-541 e avanza para dotar a Cotobade de chan industrial
Por Redacción |