SOS Panadeira salta á area política
Por Redacción
A Plataforma SOS Panadeira iniciou unha "loita política" contra as obras do Club Náutico no porto deportivo de Sanxenxo, comezando unha roda de entrevistas, achegamentos e negociacións para intentar revertir a situación acutal que definen como "feito consumado".
O pasado xoves membros do colectivo contactaban co presidente da Xunta, Alberto Núñez Feijóo, a través do programa La Linterna de la Cadena Cope.
Dende a plataforma destacan o "pouco éxito na comunicación por falta clara de apertura do noso presidente así como un sesgo claro da postura en favor duns cidadáns privados en contra do ben común, un desatino de encontro".
O mércores 29 os membros de SOS Panadeira foron citados polo grupo socialista no Parlamento galego. Actuaron de anfitrións Francisco Caamaño e Patricia Vilán. A plataforma recolleu o "compromiso de axuda en varias frontes de información e denuncia así como preguntas parlamentarias". A cita é cualificada como un "éxito".
Este venres 31 a europarlamentaria do BNG, Ana Miranda, acompañada polo representante local do Bloque, David Otero, foi informada das reivindicacións de SOS Panadeira cuxos membros afirmaron que este encontro "dará grandes bos froitos en breve".
Relacionadas:
-
Chegan á Comisión Europea as reivindicacións de SOS Panadeira
Por Redacción |
-
Unhas declaracións no programa de Mariló Montero levan a Pedro Campos a querelarse contra un voceiro de SOS Panadeira
Por Redacción |
-
O edil de Medio Ambiente de Sanxenxo insta a SOS Panadeira a que non desprestixie o seu labor
Por Redacción |
-
A Policía Local de Sanxenxo retira as pancartas de SOS Panadeira
Por Redacción |