Ti preguntas, Jorge Cubela responde
Por Redacción
Máis transparencia na xestión local. ÿ o que busca o goberno municipal de Cotobade coa súa decisión de publicar os datos económicos e administrativos do concello na web municipal.
O obxectivo da medida, sinala o alcalde de Cotobade, Jorge Cubela, é cumprir cos principios de "bo goberno e servizo á cidadanía", transmitindo a información necesaria para coñecer como se xestionan "os recursos que son de todos".
Entre os datos a publicar estarán os relativos ao cumprimento da estabilidade orzamentaria, a media de días no pagamento de facturas, actas de plenos, subvencións concedidas ou o orzamento municipal.
Ademais, o portal web do Concello de Cotobade xa implantou hai dez días un enlace de soporte para formalizar cuestións directamente ao rexedor local, que xa tramitou nove preguntas directas ao alcalde.
"Un dos piares fundamentais deste equipo de goberno é estar preto da xente, dos nosos veciños, polo que pensamos que esta medida valerá para que outros posibles gobernos municipais tomen nota e non haxa volta atrás", explica Cubela. "A transparencia vén para quedarse na vida política e as prácticas da vella política xa pertencen ó pasado".
Asegura que estas medidas forman parte da rexeneración que os cidadáns demandan aos seus representantes.