Poesía ante os atentados contra A Cruz da Maceira
Por Redacción
Este domingo 26 de outubro, a Asociación pola Recuperación da Memoria Histórica de Marín, organizou un Acto de Memoria, Xustiza e Dignidade, logo dos atentados perpetrados contra o monumento situado no lugar de A Cruz da Maceira.
Foi una mostra pública "inequívoca ", de repulsa ante os feitos acontecidos nos últimos meses.
O acto iniciouse ás 12:00 horas cunha ofrenda floral diante do monumento e un acto poético-musical, ás 12:30 no recinto multiusos da Praza de Abastos.
A presidenta da asociación, Enriqueta Otero, deu a benvida os asistentes e a profesora Ana Acuña deu lectura a un manifesto.
De seguido deuse paso a un recital poético-musical, no que interviron persoas do ámbito social, artístico e musical de Marín e comarca e do resto do país: Alba Méndez, Ana Acuña, Carmen Blanco, Claudio Rodríguez Fer, David Iglesias, Felipe Rea, Laura Romero, Lucia Novas, Mardeafora, Mini e Mero, Pepe Cáccamo, Samu Acuña, Marina Quintillán e Lía.
Pechou o acto Pepe Álvarez, en representación das asociacións pola recuperación da memoria histórica.