Unha "brava do país" fronte a "actitudes do tempo de Queizán"
Por Oskar Viéitez
Pilar Dopazo Leiró é a única candidata ás primarias de Compromiso por Galicia (CxG) para elixir á súa cabeza de lista por Pontevedra de cara ás eleccións municipais do próximo mes de maio.
O coordinador provincial de CxG, Rafael Cuíña, describiu a esta veciña de Estribela como unha "brava do país" que asume este reto ante a "certa tendencia a actitudes rozando o ditatorial, como en tempo de Joaquín Queizán".
Tanto Pilar Dopazo como Cuiña, apostaron pola "exemplaridade da política" defendendo a obrigatoriedade de dimisión de concelleiros imputados e a participación cidadá. Ademais destacaron a necesidade da "dignificación de Pontevedra coma capital".
A creación de emprego é o principal programa de Pilar Dopazo é o seu programa de goberno, para iso apostará por políticas que fomenten a situación de empresas no municipio, dotándoo de chan industrial ou rebaixando os impostos as empresas locais nos momentos de crise.
Compromiso por Galicia apoia a peatonalización "pero non o modelo de cidade", no que falta un Plan Xeral de Ordenación Municipal e unha auténtica circunvalación.
Relacionadas:
-
Plural e chea de mocidade, así presenta Compromiso por Galicia a súa candidatura en Pontevedra
Por Redacción |
-
Pilar Dopazo será a candidata ás municipais de Pontevedra por Compromiso por Galicia
Por Redacción |
-
Pilar Dopazo presentarase ás primarias de Compromiso para a alcaldía de Pontevedra
Por Redacción |
-
Marea e Compromiso por Galicia avanzan na súa folla de ruta cara ás municipais en Pontevedra
Por Oskar Viéitez |