Vía libre para que a Xunta emita o informe sobre a continuidade de ENCE en Pontevedra
Por Oskar Viéitez
A Xunta de Galicia xa ten luz verde para poder emitir o seu informe sobre a continuidade da fábrica de ENCE na ría de Pontevedra máis alá do fin da concesión que expira en 2018. O Consello de Ministros aprobou este venres o real decreto polo que se aproba o regulamento da Lei de Costas co fin de garantir a protección ambiental do litoral, a seguridade xurídica dos titulares de dereitos na costa e o desenvolvemento en condicións de sostibilidade das actividades económicas na zona.
Segundo informou a vicepresidenta do Goberno, Soraya Sáenz de Santamaría, o regulamento esixe un informe ambiental autonómico para autorizar a prórroga de concesións de actividades potencialmente contaminantes que recolle a lei.
En calquera caso, o Executivo de Madrid resérvase a posibilidade de obviar este informe alegando razóns de interese xeral.
A últimas declaracións ao respecto efectuadas pola conselleira de Medio Ambiente, Territorio e Infraestruturas, Ethel Vázquez, marcaban unha liña de continuidade co anunciado polo seu antecesor no cargo Agustín Hernández, asegurando que "é unha cuestión de goberno" a postura que mantén a Xunta con respecto á petición de prórroga da concesión realizada pola pastera.
A dirección do Grupo Ence xa solicitou a finais de decembro Ence unha solicitude para prorrogar a súa concesión ata un máximo de 75 anos.
FOLGA
Este sábado iniciouse o primeiro dos catro días de folga aprobados en asemblea polos traballadores da fábrica de Ence en apoio aos seus compañeiros de Huelva onde Ence prevé deter a produción de pasta de papel despedir 300 traballadores.
Relacionadas:
-
AGE denuncia que o PP manobra para manter Ence na ría de Pontevedra
Por Redacción |
-
ENCE paraliza investimentos por 45 millóns en Lourizán ata saber se lle renovan a concesión
Por Redacción |
-
Rueda asegura que Ence non marca os tempos das decisións que adopte a Xunta respecto ao seu futuro
Por Redacción |
-
O Goberno confirma que a prórroga de Ence debe esperar ao regulamento da Lei de Costas
Por Oskar Viéitez |
-
O Goberno central frea o informe sobre a prórroga de ENCE ata que entre en vigor a Lei de Costas
Por Redacción |
-
O PSOE advirte que a Xunta "parece disposta" a prórrogar a concesión de Ence pola vía do silencio administrativo
Por Redacción |
-
Arregui (ENCE): "Lo que hacemos no molesta ni daña a nadie. ¿Por qué nos tenemos que ir si cumplimos la ley?"
Por Alejandro Espiño & Mónica Patxot |