Onde se anunciarán agora as vodas?
Por Oskar Viéitez & Diego Torrado
A pasarela peonil de Estribela xa é historia.
Na noite deste xoves procedeuse á desmontaxe do viaduto, o que obrigou a cortar á circulación neste punto da estrada PO-11 e desviar o tráfico pola praza de Marqués de Valterra.
A medida obrigou a prohibir o aparcadoiro en Marqués de Valterra para dispoñer dun dobre carril provisional.
Para garantir a seguridade dos peóns que queiran cruzar esta estrada o concello ten prevista a construción de tres pasos de peóns elevados para "calmar o tráfico".
O presuposto total destes traballos supera os 140.000 euros.
A retirada da pasarela ten outra consecuencia imprevista como é a desaparición dun dos principais escaparates que os veciños da zona utilizaban para anunciar determinados eventos sociais.
As pancartas de voda tiñan na pasarela un enclave de luxo que funcionaba como taboleiro de anuncios para os amigos bromistas do futuro matrimonio. Unha particular portada do Hola feito con sabas vellas e salpicado de orixinalidade, amor e humor.
Relacionadas:
-
A reforma de Marqués de Valterra encara a súa fase final
Por Redacción |
-
A colocación de pasos elevados en Estribela afectará este martes ao tráfico rodado
Por Redacción |
-
O xoves pola noite comeza a desmontarse a pasarela peonil de Estribela
Por Redacción |
-
Conta atrás para a retirada da pasarela peonil de Estribela e o "cambio de cara" de Marqués de Valterra
Por Alejandro Espiño |
-
O modelo urbano esténdese a Estribela
Por Natalia Puga |
-
Alertan da perigosidade do estado actual da pasarela peonil de Estribela
Por Redacción |