Aparatoso accidente sen feridos na rúa San Roque
Por Redacción
A colisión de dous vehículos na rúa San Roque interrompeu o tráfico durante a mañá deste venres.
Segundo informan fontes da Policía Local de Pontevedra o suceso tivo lugar ás 12.00 horas no paso de peóns situado ante a capela San Roque e a Escola Infantil O Toxo.
Dous turismos colidiron sen que se producisen feridos.
Como consecuencia do choque a calzada quedou bloqueada durante uns minutos e foi necesaria a intervención dos servizos de limpeza para retirar os restos que un dos vehículos deixou sobre o asfalto. Especialmente o aceite e o líquido do radiador.
Os axentes municipais dirixiron o tráfico para evitar retencións neste punto de entrada ao centro urbano.