Éxito de ExpoBeauty con propostas de peiteado de vangarda
Por Redacción
O Salón Feiral ExpoBeauty e o Congreso Galicia Look & Fashion encheron de público o recinto Ferial de Pontevedra dende o día 27 ata o 29 de setembro. Dende a organización destácase o aumento do público asistente respecto a 2013, situando en ao redor de 7.000 profesionais do peiteado o número de visitantes que pasaron polos stands durante estes días aos que hai que sumar preto de 3.000 persoas de público xeral que puideron gozar do Salón de Beleza.
Expo Beauty serviu para que as principais marcas de cosmética e beleza puidesen achegar aos salóns de beleza as novidades do mercado, tanto en cosmética, con propostas naturais e ecolóxicas como en aparatoloxía. O coidado de uñas e mans mereceu especial atención a través da presentación de técnicas avanzadas en manicura e decoración das uñas. O sábado 27 celebrouse o Certame Nacional de Uñas ofrecendo obras de manicura cheas de fantasía dos esteticistas.
Os visitantes tamén puideron apreciar propostas para sacar partido de ferramentas como as pranchas en distintas modalidades de peiteado. Ademais, a pasarela serviu para coñecer os estilos de peiteado e peiteado de EME DICIOTO da man do estilista santiagués Bernardo Nogueira, cunha espectacular presentación baseada no cine e nos relatos de fantasía que se entrelazaba con cortes de pelo en directo, moda en pel e peiteados rápidos.
As conferencias paralelas recollidas en Galicia Look & Fashion permitiron coñecer nomes tan relevantes do peiteado de Galicia como Antonio Calvo ou o mesmo Bernardo Nogueira. A especialista en estética Consuelo Silveira ofreceu un relatorio e unha Máster Class. Os participantes no congreso puideron mellorar a súa técnica en vendas e xestión empresarial de salóns de peiteado grazas a Álex Dobao.
Relacionadas:
-
Expobeauty réndese na súa terceira edición á "moda en auxe", as barbas
Por Alejandro Espiño |
-
Estética e beleza inundan o Recinto Feiral na apertura de ExpoBeuty e Galicia Look & Fashion
Por Redacción |
-
ExpoBeauty e o Congreso Galicia Look & Fashion, eventos para profesionais de peiteado e estética
Por Redacción |