Sergio Portela deseñará o conxunto escultórico en recordo aos fusilados o 12 de novembro de 1936
Por Redacción
Sergio Portela Campos, fillo do famoso arquitecto César Portela, será o encargado de crear o novo conxunto escultórico que se situará na pasarela de José Adrio Barreiro, entre as rúas Doce de Novembro e Loureiro Crespo.
A Xunta de Goberno do Concello de Pontevedra aprobou este luns adxudicar ao estudo de Sergio Portela a escultura por un importe de 60.000 euros, segundo anunciou o voceiro do Goberno local, Raimundo González. Prevé poder inaugurarse o próximo 12 de novembro durante o acto cívico en recordo dos represaliados que se celebra na rúa que se dedica xa dende hai anos aos fusilados o 12 de novembro de 1936.
O conxunto busca perpetuar a memoria dos dez fusilados aquel 12 de novembro e, por extensión, servir de recordo a todos os represaliados.
En concreto, o monumento recordará as figuras do impresor Ramiro Paz Carvajal; o avogado José Adrio Barreiro; os médicos Amancio Caamaño Cimadevila, Telmo Bernárdez Santomé e Luis Poza Pastrana; os mestres Paulo Novás Souto, Germán Adrio Mañá e Benigno Rei Pavón; o xornalista Víctor Casas Rey e o capitán Juan Rico González.
A todos eles se lles dedicou unha rúa hai anos e na súa honra organízase, anualmente, un acto cívico nas inmediacións desta pasarela. Coas obras de reforma integral desta zona, houbo que retirar o muro perimetral e o monolito, que a xeito de monumento recordaba a memoria dos fusilados en 1936.
Relacionadas:
-
O monumento en memoria dos fusilados xa ilumina a pasarela do 12 de novembro
Por Mónica Patxot & Anxo Lourido |
-
Malestar nas familias dos fusilados o 12 de novembro de 1936 pola estatua que prevé recordalos
Por Redacción |
-
Atrasan a homenaxe os fusilados en 1936 para facela coincidir coa inauguración da súa escultura
Por Redacción |
-
O BNG pide restituír os políticos e funcionarios represaliados tras o levantamento militar de 1936
Por Alejandro Espiño |
-
Un conxunto escultórico na pasarela Adrio Barreiro recordará os fusilados o 12 de novembro de 1936
Por Alejandro Espiño |
-
A nova cuberta do tren na Parda converterase en zona verde e espazo deportivo
Por Natalia Puga |