Preto de 500 bolseiros escollen empresa para traballar durante un ano
Por Oskar Viéitez
Entre o luns e o martes, preto de 500 bolseiros elixirán a empresa na que van desenvolver un ano de prácticas, financiadas pola Deputación no marco do segundo Plan de Práctica Laboral unha iniciativa, "única en España", que leva xa facilitado o acceso ao mercado de traballo "a preto de 2.000 pontevedreses con titulacións universitarias ou de FP", dixo o presidente da institución provincial, Rafael Louzán.
O presidente da Deputación animou aos novos bolseiros a "aproveitar ao máximo esta magnífica oportunidade" que lle pode abrir as portas do seu futuro laboral, unha cuestión para o que lles recomendou flexibilidade "ao igual que sucede coa empresa, pola vosa banda tamén debe existir flexibilidade para que exista un acordo entre as partes que vos vincule laboralmente para o futuro con esa empresa".
Louzán indicou que os técnicos da institución van velar para que as condicións laborais sexan "as que temos conveniadas coas empresas. Por iso pídovos toda a vosa colaboración e flexibilidade para que ese contrato laboral sexa duradeiro".
A instrucción de Louzán débese a que en anteriores convocatorias, houbo algún caso no que os bolseiros non sentiron a gusto coa empresa que elixiron ou, ao revés, que por parte da firma viron que o bolseiro non reunía as condicións que demandaba.
76 BOLSEIROS DA COMARCA DE PONTEVEDRA
Do total de bolseiros que se beneficiarán desta iniciativa, 76 farano na comarca de Pontevedra. A maioría farao na capital da provincia, onde se ofertan prazas en 68 empresas.
A elas súmanse 4 no concello de Poio, 2 en Barro, 1 en Cotobade e outra en Ponte Caldelas.
BOLSAS DUN ANO
Todos eles comezarán as súas prácticas o vindeiro un de outubro, con bolsas de seis meses prorrogables por un ano.
A contía da bolsa é de 800 euros para titulados universitarios e de 700 para titulados de FP, que serán financiados integramente pola Deputación, que tamén correrá cos gastos dos correspondentes recoñecementos médicos.
Relacionadas:
-
Mozos titulados: vaian preparando os papeis, arranca un novo plan de prácticas laborais
Por Oskar Viéitez |
-
400 empresas daranse cita na Deputación para contratar o seu bolseiro
Por Redacción |
-
2.500 mozos inscríbense no plan práctica laboral da Deputación
Por Oskar Viéitez |
-
Colas de mozos formados para conseguir unha bolsa do Plan de Práctica Laboral da Deputación
Por Redacción |
-
Os bolseiros axudan a mellorar as convocatorias de prácticas laborais da Deputación
Por Oskar Viéitez |