Dispositivo de busca para localizar o condutor que se fugou dun atropelo en Alba
Por Redacción
O subsector de Tráfico da Garda Civil de Pontevedra mantén activo un dispositivo de busca para localizar o condutor que na tarde do xoves se fuxiu tras atropelar un peón en Alba.
Segundo fontes da Garda Civil, o atropelo produciuse de noite e a persoa atropelada apenas puido reter datos do condutor que a arrastrou e logo seguiu a marcha.
A pesar de todo, os axentes de Tráfico seguen a pista do condutor, ao que se lle acusa, polo menos, dun delito de omisión do deber de socorro. Segundo ten tracendido este venres, a persoa atropelada sufriu feridas de cáracter leve.
O accidente produciuse ás 19.14 horas do xoves á altura da casa número 4 do lugar de Guxilde, na parroquia pontevedresa de Alba. En concreto, rexistrouse na PO-225, á altura de Neumáticos Tejedo.