Este mércores arranca o curso para os alumnos de infantil, primaria e educación especial
Por Redacción
Este mércores, 10 de setembro, empezan as clases do curso 2014-15 para os alumnos de infantil, primaria e educación especial.
INFANTIL
Segundo as estimacións da Consellería de Cultura e Educación, na provincia de Pontevedra hai 16.917 matriculados en centros públicos e 7.723 alumnos en privados e concertados.
Educación precisa que nesta etapa educativa de infantil o alumnado non nacionalizado español diminuíu "lixeiramente" respecto ao curso anterior, en Pontevedra, de 369 a 336.
PRIMARIA
Pola súa banda, a Consellería indicou que na provincia de Pontevedra, 36.129 alumnos empezarán as clases de primaria en Galicia en centros públicos. 872 en privados non concertados e 15.076 en privados concertados.
No caso de primaria o número de alumnos sen nacionalidade española respecto ao curso pasado descendeu de 1.542 a 1.334.
EDUCACIÿN ESPECIAL
No referido a educación especial, o número estimado de matriculados para este curso é de 377 en Pontevedra.
Educación recorda que o mesmo día do inicio do curso escolar empezarán a funcionar os servizos de transporte e os de comedor xestionados pola Consellería.
Pola súa banda, o próximo luns 15 de setembro empezará o curso para os estudantes de Educación Secundaria e de Bacharelato en Galicia.