Os soldados da Brilat dan 50 avisos no seu primeiro mes de operación contra os incendios
Por Redacción
A operación 'Centinela Gallego' de prevención de incendios forestais e disuasión da actividade incendiaria permitiu xa dar máis de medio centenar de avisos de lumes ou conatos no seu primeiro mes de actividade deste verán. Os militares da Brigada de Infantaría Lixeira Galicia VII de Pontevedra e do Tercio Norte de Infantería de Marina de Ferrol están despregados nos montes galegos dende o 15 de xullo.
A Brilat realiza o balance da operación cando chega ao seu ecuador e, como dato, achegan que durante este primeiro mes as patrullas que realizan os soldados durante as 24 horas do día lle levaron xa a percorrer case 200.000 quilómetros.
Dende o 15 de xullo participaron, por quendas, máis de 250 militares na operación. Os soldados de unidades da Brilat encárganse das provincias de Pontevedra e Ourense, mentres que os efectivos do Tercio Norte de Infantería de Marina teñen encomendada a vixilancia do montes coruñeses.
A Brigada do Exército de Terra fai un balance "positivo" da operación porque a alerta temperá facilitada polas patrullas "contribuíu á rápida actuación dos servizos de extinción da Xunta". Así mesmo, aseguran que a percepción cidadá e o seu apoio sobre as patrullas tamén é boa.
Ao respecto, indican que as tarefas de vixilancia e disuasión que realizan en colaboración coas autoridades civís, as Forzas e Corpos de Seguridade do Estado, e os servizos de extinción da Xunta "contribuíron á prevención de incendios" forestais.
Relacionadas:
-
Os comuneiros, "perplexos" co convenio polo que a Brilat vixía os montes en prevención de incendios
Por Redacción |
-
A Brilat conclúe a vixilancia dos montes galegos cun cento de avisos por incendios
Por Redacción |
-
Os militares da Brilat inician o seu despregamento polos montes galegos
Por Mónica Patxot & Oskar Viéitez |
-
Defensa e a Xunta asinan o convenio para a vixilancia dos montes, que comeza o martes
Por Natalia Puga |
-
A Brilat alerta de 130 lumes e posibles incendiarios na campaña de prevención de incendios
Por Natalia Puga |