O Sergas presume de xestión no Hospital do Salnés, con "23 camas libres de media" a pesar das festas
Por Redacción
A pesar de contar "coa terceira planta inactiva" durante o verán polo peche programado de camas, o Hospital do Salnés saca peito da atención satisfactoria realizada durante as festas de Vilagarcía de Arousa, baseándose nos datos que manexa a Administración Sanitaria galega.
Estes datos reflicten que o Hospital do Salnés contou "cunha media diaria de 23 camas libres", motivo polo que o Servizo Galego de Saúde (Sergas) presume de xestión "axeitada" nas infraestruturas hospitalarias arousanas.
En canto ao centro de saúde de Ande-Rubiáns, durante os días de festexos a maior intensidade de urxencias alcanzouse o pasado sábado día 16, con 146 asistencias.
Na maioría dos casos as persoas atendidas presentaban "patoloxías menores" que se podían tratar no Punto de Atención Continuada (PAC) sen necesidade de acudir ás urxencias do hospital.
Relacionadas:
-
As novas Urxencias do Hospital do Salnés xa están a pleno rendemento
Por Redacción |
-
O alcalde de Vilagarcía busca un acordo cos comuneiros para crear un novo aparcadoiro no hospital
Por Redacción |
-
Alcoholemias a ritmo de récord na Festa da Auga
Por Natalia Puga |
-
As Festas de San Roque en Vilagarcía prepáranse para o multitudinario baño de auga deste sábado
Por Aitana Vidal |