Amil reviviu a tradición da Rapa das Bestas
Por Diego Torrado
O Monte Acibal volveu revivir a tradicionial Rapa das Bestas de Amil con tres curros ao longo da fin de semana que non contaron cunha masiva afluencia de público no curro do Pasteiro, pero si resultaron un éxito no seu conxunto e permitiron cortar as crinas a un número similar de cabalos que en anteriores edicións.
A Rapa de Amil, organizada pola Asociación Cabalar Monte Acibal de Moraña, comezou este sábado pola mañá coa busca e baixada ao curro dos cabalos salvaxes que viven habitulamente no Monte Acibal e rematará este domingo co sorteo dun poldro ás 20.00 horas.
No medio desenvolvéronse os tres curros que se converten en atracción principal da festa, ás 19.30 horas o sábado e ás 12.00 e 17.00 horas este domingo. Neles, como vén sendo habitual, o aloitadores da parroquia batéronse en forzas aos equinos para cortarlles as crinas e marcalos antes de devolvelos ao monte. Un poldro reservouse para o sorteo do final do día entre o público.
A festa viuse complementada cos postos de comida e bebida que se instalan nos arredores do curro e cun toque musical que lle dá a verbena do sábado pola noite.