120 profesores participan en Pontevedra no encontro estatal de Escolas Asociadas á UNESCO
Por Oskar Viéitez & Mónica Patxot
A Rede de Escolas Asociadas á UNESCO de Galicia (Red PEA UNESCO) organiza o XXVII Encontro Estatal de Escolas Asociadas á UNESCO en España, que arrancou este mércores en Pontevedra e que se prolongará ata o próximo sábado 5 de xullo.
Este encontro, que se celebra cada ano nunha comunidade autónoma, realizase este ano en Galicia baixo o título "Unha educación para a cidadanía mundial".
O seu principal obxectivo é seguir os principios que marca a UNESCO relacionados, entre outros temas, coa cultura, a paz, os dereitos humanos, a igualdade entre as persoas e o medio.
Durante catro días uns 120 profesores das escolas asociadas da UNESCO de toda España reunense en Pontevedra para debater os temas que propón a UNESCO para traballar no ámbito da educación.
Este ano dous profesores presentarán os resultados do programa COMENIUS, realizado en colaboración coa escola portuguesa Sá da Bandeira, ás máis de setenta escolas asociadas á UNESCO que participan neste encontro.
Este encontro inaugurouse cunha recepción aos asistentes por parte das autoridades no Pazo de Mugartegui e este xoves empezará a rutina de traballo no Pazo da Cultura.
A conferencia inaugural correrá a cargo de José Esquinas con "As escolas na loita contra a fame e a sostibilidade do planeta. Papel da biodiversidade agrícola e a agricultura familiar".
Ademais as xornadas acollerán distintas presentacións sobre a cultura de paz e diversidade cultural, de patrimonio ou de desenvolvemento sostible.
Relacionadas:
-
O colexio Marcos da Portela, próxima parada do 'transformer' que achega a arte aos nenos
Por Redacción |
-
Lores invita os estudantes de Bos Aires a que proben o 'octopus to the party'
Por Redacción |
-
Ciencias da Educación aspira a ser a segunda facultade española integrada na Unesco
Por Oskar Viéitez |
-
A Facultade de Ciencias da Educación aspira a integrarse nas Escolas asociadas da Unesco
Por Redacción |
-
José Esquinas: "La mayor amenaza para la paz es el hambre"
Por Oskar Viéitez |