Practicar deporte non ten límites
Por Redacción
A asociación Amizade desenvolveu unha xornada na Alameda de Pontevedra para probar handbikes, bicicletas adaptadas, coa intención de sensibilizar á sociedade pontevedresa das dificultades ás que se enfronta unha persoa con discapacidade á hora de practicar un deporte.
Segundo afirman dende esta asociación, os problemas derivados dos altos custos e da falta de espazos axeitados para estas persoas levan consigo que para moitos dos membros deste colectivo resulte complicada a integración, dende un punto de vista deportivo. Dende Amizade afirman que moitas das instalacións deportivas en Pontevedra non son accesibles.
Para o desenvolvemento das actividades durante este sábado, tanto de mañá coma de tarde, o colectivo que preside Paulo Fontán solicitou tres handbikes á fundación María José Jove que conta cun servizo de préstamos destas bicicletas na Coruña.
Relacionadas:
-
Amizade achega a toda a poboación o deporte adaptado para persoas con discapacidade
Por Redacción |
-
Unha cidade accesible porque "as persoas con discapacidade non só paseamos"
Por Redacción |
-
Organizan un paseo 'sobre rodas' para sensibilizarnos sobre a dispacidade cerebral e motora
Por Alejandro Espiño |
-
Aproban un plan para reordenar e mellorar a sinalización dos aparcamentos para discapacitados
Por Alejandro Espiño |