O plantel de Construcciones Crespo pide a Cores Tourís que a Xunta lle manteña as obras adxudicadas
Por Redacción
A oferta da empresa Atalanta Gestión para quedarse con Construcciones Crespo obrigou aos representantes sindicais a alertar á Xunta de Galicia para que poidan manterse as adxudicacións públicas de obras dependendientes da administración autonómica.
Por este motivo, os representantes do plantel mantiveron unha reunión co delegado da Xunta de Galicia, José Manuel Cores Tourís, a quen lle solicitaron que se paralicen os procesos de readxudicación das obras concedidas inicialmente á empresa pontevedresa. Unha das obras que ían executar en Cuntis, xa foi adxudicada a outra empresa. Segundo fontes sindicais, necesitan que Construcciones Crespo poida contar con esas obras para garantir a viabilidade ante a proposta de compra por parte dos empresarios de Alacante.
Os representantes sindicais esperan coñecer durante a próxima semana os datos do plan de viabilidade que propón Atalanta Gestión, que ten previsto quedar cos 84 traballadores que conforman actualmente o equipo. Os empresarios, na primeira conversación mantida coa parte social, trasladou que será necesario que os empregados se sometan a unha rebaixa salarial dentro dese plan de viabilidade que presentarán ante o administrador xudicial.
Relacionadas:
-
Os empresarios de Alicante interesados en Construcciones Crespo renuncian a súa compra
Por Anxo Lourido |
-
Uns empresarios de Alicante fan unha oferta para adquirir Construcciones Crespo
Por Redacción |
-
Os traballadores cren que as contas ofrecidas por Construcciones Crespo non xustifican o peche
Por Redacción |
-
Traballadores de Construcciones Crespo péchanse na Xunta e piden a dimisión de Cores Tourís
Por Anxo Lourido |