'O Ilustrísimo' volve ás andadas e suma a súa primeira detención tras saír de prisión
Por Natalia Puga
Creada e actualizada
Creada e actualizada
Alejandro P.C., coñecido como 'O Ilustrísimo', volveu ás andadas. Tras causar alarma entre hostaleiros e comerciantes de Pontevedra durante varios meses de 2013, en setembro ingresou en prisión, pero leva na rúa varias semanas e volveu ser detido e posto a disposición xudicial.
Nesta ocasión, ao coñecido 'caco' pontevedrés atribúenlle un delito de furto por supostamente levarse 676,90 euros da caixa rexistradora dunha cafetaría situada entre Eduardo Pondal e Camiño do Ferro.
Os feitos remóntanse xa ao 7 de xuño, pero o mozo, que cumpriu 19 anos estando en prisión, non foi detido ata este venres. Tras prestar declaración na Comisaría do Corpo Nacional de Policía, pasou a disposición do Xulgado de Garda.
Segundo relataron os traballadores do establecemento 'La Tienda de Clara', chegou ao local sobre as 23.30 horas acompañado dun amigo e ambos pediron unha consumición. Mentres o outro rapaz quedaba no interior, el entrou e, aproveitando un descoido dos traballadores, colleu o diñeiro da caixa rexistradora.
A continuación, fuxiuse, pero un dos empregados recoñecérao polas imaxes difundidas meses atrás a través dos medios de comunicación e puxo os feitos en coñecemento da Policía Nacional. Ata este venres non lograron identificalo e detelo.
Relacionadas:
-
O 'Ilustrísimo' volve ao calabozo por arrebatar o bolso a unha muller e saír correndo
Por Natalia Puga |
-
O 'Ilustrísimo' pasa polos xulgados e é detido por dous novos furtos
Por Redacción |
-
Entrevista exclusiva a "O Ilustrísimo", o mozo ladrón pontevedrés: "Desde antes de los 14 años vivo solo y tengo que robar para comer"
Por Diego Torrado & Anxo Lourido |