Ponte Caldelas, epicentro esta madrugada dun terremoto de dous graos na escala de Richter
Por Redacción
Un terremoto de dous graos de magnitude na escala de Richter sacudiu esta madrugada Ponte Caldelas. Segundo os datos do Instituto Xeográfico Nacional, o seísmo produciuse ás 01.52 horas deste mércores, e o epicentro do mesmo situouse no propio municipio pontevedrés.
Non se rexistraron danos materiais nin persoais durante este terremoto.
Este pequeno tremor únese aos cinco que se rexistraron a pasada semana en Galicia, todos eles no mesmo día, en Porto do Son (A Coruña). O de maior magnitude alcanzou os 2.4 graos na escala de Richter.