Inícianse as obras do colector Baltar - Xustáns
Por Redacción
A empresa Espina y Delfín, adxudicataria da obra do colector Baltar - Xustáns, acaba de iniciar as obras de instalación as canalizacións da rede de colectores que conectará o lugar de Baltar coa zona de Xustáns para a súa conexión á rede de saneamento.
O alcalde Perfecto Rodríguez e a concelleira delegada de Xustáns, Teresa Martínez, visitaron as zonas en compañía da directora de obra para comprobar o avance dos traballos.
Esta obra valorada en 87.643,28 euros contempla a instalación de canalizacións para a condución de augas fecais na marxe da estrada A Reigosa - Xustáns entre Baltar e a entrada ao lugar de Sobreiro, onde xa existe a rede de rede de sumidoiros.
Así mesmo está previsto un cruzamento con toupa na citada estrada provincial. Esta obra permitirá dar servizo aínda número importante de vivendas no lugar de Baltar.