Prisión para catro dos cinco detidos polo roubo nunha xoiaría en Ponte Caldelas
Por Oskar Viéitez
Informa o Tribunal Superior de Xustiza de Galicia (TSXG) que catro das cinco persoas detidas polo suposto roubo nunha xoiaría de Ponte Caldelas ingresaron en prisión tras pasar a disposición xudicial en Pontevedra. O suceso tivo lugar o pasado mércores. Os detidos foron tres homes e dúas mulleres de orixe estranxeira.
Axentes da Garda Civil realizaron as detencións na rotonda de acceso ao poligono industrial do Campiño dende A Reigosa froito dunha colaboración con axentes da Policía Nacional na que tamén se utilizou un helicóptero.
A Garda Civil recibiu a alerta sobre as 10.30 horas de que se producira un roubo na xoiaría 'Reme' de Ponte Caldelas cando a propietaria estaba soa e xogaron ao despiste con ela. Entre os catro entretivérona e acabaron levándose tres mantas con cadeas e pulseiras.
Inmediatamente os axentes do Instituto Armado pediron reforzos e avisouse a outros corpos policiais de toda a provincia. En cuestión de minutos estableceuse un dispositivo de busca e montáronse controis pola zona e todas as estradas polas que poderían ter escapado.
O roubo teríano cometido catro persoas que se fuxiron nun vehículo Fiat 500 que lles estaba a esperar no exterior cun quinta persoa a bordo. Ese coche foi localizado minutos despois na rotonda da Reigosa da estrada PO-542 por unha patrulla da Garda Civil que establecera un dispositivo de control na zona. Os axentes déronlle o alto e, xa coa colaboración de máis patrullas, procederon á detención dun total de cinco persoas.
A Gardia Civil relacionaos con un roubo que se produciu o día anterior nun estanco de Tui e outros furtos.
Relacionadas:
-
Cinco detidos na Reigosa por un roubo nunha xoiaría en Ponte Caldelas
Por Redacción | Creada e actualizada