Un tríatlon obriga a cortar o tráfico dende Silgar ata A Lanzada durante a mañá do sábado 10
Por Redacción
Sanxenxo convértese este sábado 10 na sede do I Triatlón Rías Baixas, a primeira e única proba de distancia olímpica sen drafting que se celebra no circuíto galego. Con motivo desta proba deportiva, a Policía local de Sanxenxo elaborou un plan de reordenación do tráfico no que participou o concelleiro de Seguridade Ciudadana, Salvador Durán; os organizadores do evento, Club Triatlón Motobike Pontevedra; e membros do Servizo Local de Emerxencias.
A partir das 7.30 horas impedirase a circulación entre o paseo de Silgar e a estrada PO-308 ata a rotonda da Lanzada, á altura do Campo de Fútbol Municipal. Será a partir das 11.00 horas cando o tráfico se reestablecer salvo na rúa Rafael Picó de Portonovo, que permanecerá pechada ao paso de vehículos ata as 12.00 horas.
Tamén dende as 7.00 horas se prohibirá o estacionamento tanto no paseo de Silgar coma na avenida de Galicia e na rúa Rafael Picó. A Policía Local distribuirá circulares informativas nos hoteis, edificios e establecementos comerciais para informar desta alteración do tráfico.
A proba comezará ás 8.00 horas e os participantes deberán superar 1,5 quilómetros a nado, 40 km en bicicleta e outros 10 km correndo.