Normalizada a circulación ferroviaria entre Vigo e Pontevedra tras o descarrilamento dun tren de mercadorías
Por Oskar Viéitez
Renfe confirma que a circulación ferroviaria se normalizou nunha das vías no Eixo Atlántico entre Vigo e Pontevedra, advirte que pode haber "atrasos puntuais", aínda que se restableceron todos os servizos.
A circulación quedou restablecida esta madrugada despois de que o servizo estivese suspendido varias horas polo descarrilamento dun tren de mercadorías o martes.
Por causas que se descoñecen, o martes ás 18,15 horas un tren de mercadorías de Campsa descarrilou sen que se producisen feridos, pero houbo que cortar as vías.