Corte de tráfico ferroviario polo descarrilamento dun tren de mercadorías en Arcade
Por Redacción
Un tren de mercadorías da empresa Comsa descarrilaba sobre as 18.15 horas deste martes 16 na bifurcación da liña Redondela-Pontevedra ao seu paso por Arcade e Ponte Sampaio. Este incidente provocaba un corte ferroviario nos traxectos que abranguen as estacións de Vigo e A Coruña.
Neste incidente ningunha persoa resultou ferida e, polo momento, estanse a analizar as causas que puideron provocar esta saída da vía do convoi de mercadorías.
Segundo fontes de Renfe está previsto que se trasladen aos pasaxeiros que se vexan afectados por este accidente a través de autobuses ata que poida recuperarse a normalidade no transporte ferroviario.