A Garda Civil investiga o roubo dun camión-guindastre de tres eixos cargado de aceiro no polígono industrial de Baión, en Vilanova de Arousa.

O suceso tivo lugar ás sete da tarde do sábado, dúas persoas encapuchadas entraron no recinto valado da empresa Calmear e levaron, en apenas quince minutos, este camión que estaba cargado cunha torre de refrixeración de aceiro inoxidable.

Os empresarios afectados valoraron en máis de 400.000 euros o importe do subtraído.

O roubo quedou rexistrado polas cámaras de seguridade da empresa en cuxa gravación se pode ver como estes dous individuos saltan o muro, rompen o motor do portal para abrilo, desactivan a alarma e, a continuación, rompen o cristal da porta do camión e arrincan o vehículo.