A Rúa do Santo en Lourizán volve inundarse coas chuvias nocturnas e esperta chea de lama
Por Anxo Lourido
Cando chegan as choivas intensas, na Rúa do Santo en Lourizán saben que terán problemas de acceso nas súas vivendas.
Durante a madrugada deste xoves 26 de setembro, arredor das 04.00 horas, volvía a inundarse esta zona na parroquia pontevedresa.
Veciños da zona indican que o problema se debe a que o río que atravesa esta contorna está canalizado pero denuncian que está "deficientemente mantido por parte de Augas de Galicia e do Concello".
"Estamos desesperados", indica algún veciño da zona que recoñece que “estamos pendentes sempre da situación meteorolóxica”.
Aseguran que a auga acumulada nestes casos provoca danos nas plantas baixas das vivendas.
Algúns residentes explican tamén que cando chove teñen que trasladarse a outra vivenda familiar porque, doutro xeito, as persoas maiores quedarían encerradas pola auga anegada na rúa ou con dificultades para camiñar debido á lama que aparece posteriormente.
Demandan unha solución por parte das administracións para deixar de sufrir estas malas experiencias cada vez que unha borrasca entra pola ría.
Relacionadas:
-
A borrasca causa desprendementos na estrada sobre a senda do Lérez
Por Redacción |
-
A Rúa do Santo volve asolagarse
Por Redacción |
-
Actuación de emerxencia para acabar coas inundacións na Rúa do Santo
Por Alejandro Espiño |
-
Así de inundada amencía este martes a Rúa do Santo en Lourizán
Por Anxo Lourido |
-
Queixas veciñais en Lourizán polos asolagamentos na Rúa do Santo
Por Anxo Lourido |