Este último domingo de setembro comezan as andainas de outono por Caldas
Por Anxo Lourido
O vindeiro domingo 29 de setembro, o Concello de Caldas de Reis celebrará a primeira das súas andainas de outono cun percorrido circular de 14 quilómetros que vai desenvolverse polas parroquias de Segade, Paradivas e Santa María.
A ruta, organizada pola concellería de Cultura e Deportes, comezará ás 10:00 horas no edificio multiúsos da Tafona.
O itinerario, cualificado de dificultade media, terá unha duración aproximada de tres horas e incluirá puntos de interese como:
- A fervenza de Segade, á que se accederá pola ruta da auga
- A Ponte Romana
- Reirís
- O encoro da Baxe
- Paradivas
- Santa María
Manuel Fariña, tenente de alcalde, destaca que esta iniciativa forma parte dun programa máis amplo de rutas polo rural caldense.
O obxectivo é dobre: promover a actividade física e dar a coñecer a contorna natural da vila.
Fariña anima tanto á veciñanza de Caldas como a persoas da contorna a participar e descubrir o patrimonio natural e cultural da vila termal, "que aínda é descoñecido por moita xente".
Para participar na andaina é necesario inscribirse antes das 14:00 horas do venres 27 de setembro.
A inscrición ten un custo de 3 euros para cubrir o seguro e pode realizarse de dúas formas:
- Por correo electrónico: inscripcionesnaturgaliz@gmail.com
- Por teléfono: 625 482 636
O pago pode efectuarse mediante Bizum ou transferencia bancaria.
A organización aposta por un enfoque respectuoso co medio ambiente, seguindo a filosofía de "residuos cero".
Por este motivo, solicítase aos participantes que leven o seu propio recipiente reutilizable para a auga.
Relacionadas:
-
Máis dun centenar de músicos xúntanse en Caldas para ofrecer un concerto de música tradicional
Por Anxo Lourido |
-
Remataron as obras de mellora da seguridade viaria na estrada EP-8004, entre Caldas e Vilanoviña
Por Redacción |
-
Preto de 200 participantes para a estrea da BTT Caldas Vila Termal
Por Redacción |