O anuncio turístico '100% Rías Baixas', medalla de prata á mellor película no Terres Travel Festival de Tortosa
Por Redacción
A Deputación de Pontevedra recibiu a medalla de prata ao mellor anuncio turístico no Terres Travel Festival de Tortosa, en Cataluña, pola peza audiovisual '100% Rías Baixas'.
Trátase dun anuncio producido por Esmerarte que foi estreado en Fitur e co trata de promover a provincia por todo o mundo.
O vídeo, no que a auga é o fío condutor, recibiu o galardón na modalidade de produtos de turismo e destino rural.
"A auga é na nosa provincia fonte de oportunidades e a ela debémoslle que os que nos visitan vivan experiencias 100% Rías Baixas", asegurou satisfeito polo premio o presidente provincial, Luis López defendendo "unha campaña rompedora, desenfadada e enérxica que, con premios como este, demostrou que funciona".
O Terres Travel Festival forma parte desde 2019 do circuíto de festivais internacionais do CIFFT (Comité International deas Festivals du Film Touristique), entidade apoiada por organismos internacionais como a Organización Mundial do Turismo, a Comisión Europea de Viaxes, a Organización de Turismo do Caribe ou a Asociación de Promoción Turística de Centroamérica.
Relacionadas:
-
A provincia de Pontevedra foi o "destino líder de Galicia" este verán
Por Oskar Viéitez |
-
A auga das Rías Baixas inunda Fitur para "empapar" os futuros visitantes
Por Redacción |
-
"100% Rías Baixas" é o lema da campaña de promoción turística da Deputación coa auga como elemento vertebrador
Por Oskar Viéitez & Mónica Patxot |