Os socorristas atenderon 2.229 incidencias durante o verán nas praias de Marín
Por Redacción
O servizo de socorrismo e salvamento habilitado nas praias de Marín durante toda a tempada de verán realizou un total de 2.229 asistencias.
Son os datos que reflicte o balance enviado pola empresa adxudicataria do servizo ao Comcello de Marín.
As intervencións máis repetidas foron feridas, picaduras de fanecas, insectos ou ourizos; traumatismos ou contusións e, sobre todo, avisos preventivos.
Ademais realizáronse tres rescates acuáticos na praia de Mogor, Aguete e O Santo. Tamén se atenderon tres lipotimias, cinco traslados en ambulancia, 13 casos de menores extraviados e 17 queimaduras.
Desde o goberno local puxeron en valor o funcionamento do servizo de socorrismo, que conta cun contrato de tres anos de vigor e que supón investimento de máis de 725.000 euros.