Invisten máis de 46.000 euros para a mellora de parques infantís en colexios do municipio
Por Redacción
O Concello de Pontevedra vén de impulsar a reparación de parques infantís en catro centros educativos do municipio e a corrección de problemas de humidade en varios colexios, tanto de zonas urbanas como rurais.
Estas accións están incluídas na última modificación de crédito aprobada polo pleno municipal.
A área de Educación, dirixida por Demetrio Gómez, destina 39.971,21 euros (46.365,29 euros con IVE) a estas melloras, que se realizarán no CEIP Xunqueira II (1.828,01 euros), no CEIP Santo André de Xeve (12.279,08 euros), en San Bieito de Lérez (868,68 euros), no CEIP Parada Campañó (6.589,11 euros), no CEIP Marcos da Portela (11.811,75 euros), no CEIP Xunqueira I (4.440,10 euros) e no CEIP Manuel Vidal Portela (2.154,58 euros).
Está previsto que as obras comecen ao longo dos vindeiros días, "tan pronto como se poida e o antes posible", segundo indicaron os técnicos.