As escolas municipais de Sanxenxo abren o luns o prazo de inscrición
Por Redacción
O Concello abrirá o vindeiro luns, 23 e ata o 30 de setembro, o prazo de inscrición para as escolas municipais. As actividades darán comezo o 14 de outubro e rematarán o 30 de maio.
Entre o calendario de actividades estarán as ludotecas que se desenvolverán polas tardes nos colexios de A Florida, Abrente, Telleiro, Portonovo, Nantes, O Cruceiro e Magaláns. Dirixidas ao alumnado de Educación Infantil e 1º e 4º de Educación Primaria. As cotas mensuais serán de 12 euros para empadroados e 15 euros para non empadroados.
Un ano máis inclúese nestas escolas as técnicas de estudo, pensando no alumnado de 5º e 6º de Primaria, ESO e FP Básica. Traballarase a autoestima, a motivación, a organización e planificación, así como a lectura comprensiva, expresión escrita e oral, a creatividade, a relaxación e o traballo individual e grupal. As cotas mensuais serán de 10 euros para empadroados e 12,50 euros para non empadroados.
O Centro de Arte municipal tamén ten o seu espazo dentro da programación para o desenvolvemento da expresividade artística. Pensado para o alumnado, a partir de 2º de Educación Primaria e ESO, se desenvolverá no Pazo de Emilia Pardo Bazán, os luns e mércores. A cota mensual é de 12 ou 15 euros e o aforo por clase é de 12 alumnos. Para os adultos, o Centro de Arte tamén ábrese o 14 de outubro con dúas clases semanales. A tasa mensual é de 32 ou 40 euros.
TALLER LEGO STEM
O Taller de Lego Stem, que tanto éxito tivo na edición pasada, volve a incluirse nas escolas municipais este ano e abrirase proximamente a inscrición. Estará dirixido ao alumnado de Primaria e terá lugar no Usos Múltiples de Portonovo todos os venres. As prazas estarán limitadas a 16 alumnos por clase e a adxudicación farase por orde de inscrición.
O taller fai referencia a un novo modelo educativo que ensina de maneira simultánea e integrada conceptos de ciencia, tecnoloxía e matemáticas dende o enfoque da enxeñería, e dicir, nun contexto práctico de deseño e construción de obxectos e sistemas que resolvan un problema.
A ensinanza STEM está baseada na indagación, que se leva a cabo planificando experimentos, investigando hipóteses, buscando información, construíndo modelos, traballando en equipo e propoñendo explicacións coherentes tal e como se fai en enxeñaría. Estas ensinanzas impartiranse utilizando sets educativos STEM da marca de xoguetes LEGO.
Relacionadas:
-
En marcha a instalación de pasarelas de acceso nas praias de Areas, Canelas e Panadeira
Por Redacción |
-
Dorrón estrea o seu novo campo de fútbol
Por Redacción |
-
As 'Rutas Saludables' chegan a Sanxenxo para combater o sedentarismo
Por Redacción |
-
Este luns empezan as obras de humanización entre o miradoiro da Peixeira e o campo de San Roque
Por Oskar Viéitez |