Investigan unha persoa como presunta autora de catro roubos con forza en rochos de Caldas de Reis
Por Redacción
A Garda Civil de Caldas de Reis confirmou que investiga unha persoa polo presunto roubo con forza rexistrado a mediasos do mes de febreiro en catro rochos dun edificio da localidade.
Os residentes afectados denunciaron entón a subtracción de diversos obxectos de valor como bicicletas, ferramentas e electrodomésticos dos seus rochos.
Ademais resaltaron a violencia empregada para forzar as portas, chegando a esnaquizar nalgún deles as paredes onde estaban ancoradas.
Despois de diferentes pescudas e investigacións, os axentes chegaron a localizar algunhas das pertenzas subtraídas nos roubos, o que lles levou a identificar o presunto autor.
Trátase dun home de 28 anos, veciño de Portas, que conta con numerosos antecedentes policiais e penais, tendo cumprido xa algunha pena de prisión.
As dilixencias do caso foron entregadas ao Xulgado de 1ª Instancia e Instrución de Caldas de Reis.