Sete cabalos salvaxes irrompen entre as casas, comen uvas e esnaquizan peches e cultivos no Rañadoiro
Por Natalia Puga
Os cabalos salvaxes han volto a irromper entre as casas do lugar do Rañadorio, na parroquia pontevedresa de Ponte Sampaio.
Nos últimos anos, os veciños xa están afeitos a este tipo de "visitas", pero o costume non fai que sexan menos prexudiciais, pois, como noutras anteriores anteriores, ao seu paso, deixaron un regueiro de danos.
Segundo denuncian os veciños, nos últimos días, apareceron sete e comeron as uvas que estaban xa listas para a vendima; romperon distintos cultivos, en especial, as viñas; e romperon peches de varias propiedades.
"Imaxina sete cabalos pasando por baixo das viñas, claro que causan danos", denuncian.
Hai xa semanas que ven que os cabalos se achegan ás casas. "Xa non se cantas veces pasou", recoñece unha veciña, que engade que "levamos máis de tres meses con eles por aquí".
A última visita foi na mañá deste mércores. Eran sete e os veciños, xa cansos, decidiron pedir axuda. Chamaron á Policía e a Garda Civil para reclamarlles que actuasen, pero non atoparon resposta.
"Parece que non é competencia de ninguén", denuncian e sinalan que, como consecuencia, "sentimos abandonados".
Nada máis atopalos, retivéronos durante un intre á espera de que actuasen as autoridades. Ao ver que ninguén actuaba, decidiron deixarlles libres e tentar que regresasen ao monte. Baixan, segundo puideron saber os veciños, da zona de Xustáns, en Ponte Caldelas.
Relacionadas:
-
Oito cabalos volven estragar os cultivos no lugar do Rañadoiro
Por Redacción |
-
Saen a poxa por 180 euros os seis cabalos capturados no Rañadoiro
Por Redacción |
-
VÍDEO.- Volven atrapar cabalos salvaxes que danaban propiedades e cultivos no Rañadoiro
Por Diego Espiño |
-
A problemática dos cabalos salvaxes de Ponte Sampaio, ante a Xunta e a Subdelegación
Por Redacción |
-
Atrapan seis cabalos danando propiedades privadas no Rañadoiro
Por Redacción |