A WordCamp Pontevedra reunirá preto de 300 emprendedores e profesionais do desenvolvemento web
Por Redacción
A Facultade de Comunicación será novamente sede da WordCamp Pontevedra, un congreso que se desenvolverá entre o venres 20 e o domingo 22 e que estará centrado no xestor de software libre máis empregado para a creación de páxinas web, WordPress.
A organización prevé reunir preto de 300 persoas na quinta edición deste evento, entre profesionais do deseño e o desenvolvemento web, emprendedores, alumnado universitario e persoas interesadas en iniciarse no deseño web.
O congreso está coordinado pola comunidade WordPress Pontevedra, que a Universidade de Vigo acolle desde os seus inicios, ao abeiro dun convenio coa WordPress Foundation.
No seu programa insírense máis dunha vintena de conferencias e talleres, que nesta ocasión porán o foco no emprendemento, así como un hackatón no que os participantes deseñarán conxuntamente as webs de tres organizacións sen ánimo de lucro.
A vicerreitora do campus de Pontevedra, Eva María Lantarón, a decana da Facultade de Comunicación, Emma Torres, e a presidenta da comunidade WordPress Pontevedra, Sabela Muñiz, presentaron este luns a programación desta cita que mantén aberta a súa inscrición que conta cun prezo reducido de 10 euros para o alumnado e de 25 ou 20, segundo a modalidade, para o público xeral.
Relacionadas:
-
Empresas e alumnado teñen unha cita no campus para falar de emprego
Por Redacción |
-
PODCAST.- Primeira falacia sobre emprendemento: "Monta o teu negocio para facer o que che gusta"
Por Marisa Ciordia |
-
O campus organiza o primeiro Congreso Internacional de Creatividade, do 4 e 5 de novembro
Por Oskar Viéitez |
-
A Universidade de Vigo programa tres concertos no Teatro Principal, gratuítos e abertos a toda a cidadanía
Por Oskar Viéitez |
-
Estudantes de Medicina e de Fisioterapia comezan as prácticas no complexo hospitalario pontevedrés
Por Oskar Viéitez |
-
Enxeñeiros de montes de diferentes puntos de España coñecen os traballos que se desenvolven en Pontevedra
Por Redacción |
-
O campus de Pontevedra recupera a vida coa volta do alumnado
Por Oskar Viéitez |