VÍDEO.- Unha manda de orcas sorprende os pasaxeiros dun barco á Illa de Ons
Por Diego Espiño
Tremenda sorpresa levaron este sábado 14 de setembro os viaxeiros dun dos barcos de pasaxeiros que conecta regularmente no verán coa Illa de Ons.
Durante o roteiro, preto xa do parque nacional, a embarcación atopou cunha manda de orcas.
Os mamíferos mariños causaron sensación e admiración entre pasaxeiros e tripulación.
Foron precisamente os traballadores de Mar de Ons os que inmortalizaron o momento, documentando con imaxes espectaculares o paso das orcas por medio da ría de Pontevedra.