Dorrón estrea o seu novo campo de fútbol
Por Redacción
Sanxenxo conta desde este sábado cunha nova instalación deportiva, tras a inauguración oficial do campo de fútbol municipal do Cruceiro, en Dorrón.
Coas bancadas ateigadas, o acto inaugural contou con numerosas autoridades. Acompañando o alcalde, Telmo Martín, estaban tamén o presidente da Deputación, Luis López, e o presidente da Real Federación Galega de Fútbol, Rafael Louzán, ademais de representantes dos clubs deportivos do municipio.
"Gústanos cumprir os compromisos que adquirimos. Dotar a este campo de herba artificial era unha débeda que tiñamos con este parroquia e este clube de fútbol. Tardamos un pouco máis do previsto, pero o resultado final vai moito máis alá do compromiso porque toda a instalación é nova", afirmou o alcalde.
Rafael Louzán fixo entrega ao alcalde durante o acto dunha camiseta da selección española co seu nome e o número 15, os anos que leva como alcalde nos seus dous estapas, mentres que o actual presidente do C.F. Dorrón recibiu unha camiseta da selección galega.
A renovación do campo de fútbol do Cruceiro supuxo un investimento de máis dun millón de euros, asumidos pola empresa concesionaria da auga como compensación polo canon.
O novo campo conta con céspede de última xeración para a práctica de fútbol once e sete, e alberga tamén diferentes vestiarios para xogadores e árbitros, así como cantina e bancadas. Ademais, acondicionouse a parcela exterior como estacionamento para os usuarios.
Relacionadas:
-
As escolas municipais de Sanxenxo abren o luns o prazo de inscrición
Por Redacción |
-
Sae a concurso a renovación do céspede e do sistema de rega dos campos de fútbol de Noalla e Baltar
Por Redacción |
-
Dorrón poderá estrear o seu novo campo de fútbol a mediados de agosto
Por Redacción |
-
A primeiros de agosto finalizarán as obras do campo de fútbol de Dorrón
Por Redacción |
-
A reforma do campo de fútbol de Dorrón vai tomando forma
Por Redacción |