A parroquia de San Xulián celebra tres días de festa
Por Redacción
A Asociación de Festas Amigos de San Xulián ultima os detalles dos preparativos das festas patronais desta parroquia marinense.
Este ano anuncian unha novidade e é que o venres 20 de setembro a partir das 23:00 dará comezo a Festa da Mocidade a cargo dos Dj´s Rubén Díaz e Luis Vázquez que farán vibrar aos mozos e público en xeral cos temas do momento, pero non virán sós, porque estarán acompañados por dous bailaríns.
O sábado 21 a parroquia honra á Virxe do Carmen, empezando ás 9:00 da mañá cun pasacalles a cargo da charanga 112 acabando coa sesión vermut no atrio da festa.
Ás 18:00 da tarde chegará a quenda de Asacocirco que sorprenderá a maiores e pequenos co seu espectáculo circense, e a continuación ás 20:00 da tarde celebrarase a misa solemne en honra á Virxe do Carmen, seguida da procesión acompañada polo grupo folclórico Os Chaneiros onde ao acabar darán un concerto. Para rematar a xornada do sábado, a comisión de festas ten preparada unha verbena a partir das 22:00 da noite co Trio Azabache, onde os compoñentes son ex concursantes de Recanteiros do programa Luar da Tvg e a Orquestra Magos onde presentará o seu 'Tour Muévelo'.
O domingo 22 a xornada está dedicada á Virxe dos Remedios, onde desde as 9:00 da mañá a charanga Alambique animará as rúas da parroquia, ás 12:00 do mediodía celebrarase a misa solemne seguida de procesión con acompañamento da banda de gaitas Airiños de San Xulián onde ao finalizar dará un concerto no atrio parroquial. Ás 19:00 da tarde Isla Letrisca fará a diversión aos máis pequenos e ao público en xeral co seu espectáculo. Ás 21:00 da noite comezará a verbena que estará a cargo da Orquestra Triunfo presentando A Xira Gañadora e para finalizar a xornada ás 00:00 horas, estará a gran tirada de lumes de luces.