A Xunta asumirá o 60% da subida do canon de Sogama
Por Oskar Viéitez
O presidente da Xunta, Alfonso Rueda, anunciou este mércores que a administración autonómica asumirá "o 60 por cento" da subida do canon que pagan 295 concellos á Sociedade Galega do Medio Ambiente (Sogama) por tonelada de lixo recollido.
É dicir, segundo o apuntado polo presidente galego, a Xunta cubrirá 24 dos 42 euros que subirá o canon, ata os 108 euros por tonelada xestionada por Sogama, a comezos de 2025 con respecto a xaneiro de 2024.
Na primeira sesión de control do Parlamento galego do novo período de sesións, Rueda avanzou que a Xunta "vai transferir" esta contía ás arcas municipais porque "os galegos non teñen que pagar polas decisións de Pedro Sánchez" a quen responsabilizou da subida dos impostos estatais que gravan as entulleiras e a incineración, como consecuencia dunha directiva europea aprobada en 2018.
"Imos evitalo", proclamou o titular do executivo galego durnate a súa intervención en resposta á portavoz nacional do BNG, Ana Pontón.
O modelo de transferir estes recursos aínda está en estudo.
Relacionadas:
-
Modificación de crédito superior ao medio millón de euros en Soutomaior para afrontar obras e a suba de Sogama
Por Redacción |
-
Rifa política á conta do canon de Sogama mentres os partidos chegan a acordo para a ordenanza que sanciona cuspir na rúa
Por Natalia Puga & Mónica Patxot |
-
Rueda recorda que a adhesión a Sogama é "voluntaria" e culpa ao Goberno do aumento do canon
Por Redacción |
-
O PSOE insta a Deputación a que active un plan extraordinario que dote de recursos os concellos
Por Oskar Viéitez |
-
A ampliación do solo industrial ou a defensa dos servizos públicos, na axenda parlamentaria do BNG
Por Oskar Viéitez |
-
Domínguez defende a suba do canon do lixo para que "Sogama equilibre contas" pero pide que non repercuta nos pontevedreses
Por Mónica Patxot & Anxo Lourido |
-
O PSOE reclamará no pleno a Sogama que non suba o canon do lixo un 93% en 2025
Por Anxo Lourido |