Comida e sol maridan no centro histórico nesta Feira Franca
Por Redacción & Cristina Saiz
Se algo caracteriza á Feira Franca de Pontevedra é a implicación da cidadanía que, desde o primeiro ano, fixeron súa a festa coa que a Boa Vila regresa por un día á Idade Media.
E para comprobar o esmero e o coidado que poñen todos eles para recrear esa época, só había que dar unha volta polo centro histórico da cidade, polo que se repartiron as case trescentas mesas autorizadas para comer na rúa.
Menús de todo tipo, nos que predominaron as carnes asadas ou as empanadas, coroaban as mesas instaladas polos participantes, decoradas para a ocasión con todo tipo de aveños.
A elas sumáronse os postos autorizados para a hostalería local, que deron para comer e beber a todos aqueles campesiños, nobres e guerreiros que decidiron non organizar o seu propio ágape.
Entre uns e outros lograron que Pontevedra volvese a demostrar que a Feira Franca é unha festa máis que consolidada e un dos eventos que máis xente atrae á cidade.
Relacionadas:
-
VÍDEO.- Así animaron o día os pasacalles e grupos folclóricos
Por Cristina Saiz |
-
E Pontevedra volveu tomar a rúa na Feira Franca
Por Redacción & Cristina Saiz |
-
Oficios medievais da Feira Franca retornan en tempos dixitais
Por Redacción & Cristina Saiz |
-
Hai Feira Franca "ata que o corpo aguante"
Por Almu Dapena |
-
Nunca choveu que non escampara... para celebrar a Feira Franca
Por Redacción & Cristina Saiz |
-
A Feira Franca contará cun dispositivo especial de seguridade e emerxencias
Por Redacción |
-
"Ningunha Feira Franca foi cancelada pola choiva"
Por Alejandro Espiño |
-
Programa da Feira Franca de Pontevedra 2024
Por Oskar Viéitez |