Recomendan aplicar funxicida natural ás viñas máis tardías ante a chegada das chuvias
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/4d4/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66dac56313-sintomas-madeira.jpg)
© Estación Fitopatolóxica do Areeiro - Deputación de Pontevedra
![](/web/cache/scene/uploads/fotos/foto/22a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66dac5c06b-un-froito-podre-non-retirado-infecta-proximos.jpg)
© Estación Fitopatolóxica do Areeiro - Deputación de Pontevedra
A Estación Fitopatolóxica do Areeiro, pertencente á Deputación de Pontevedra, alerta os agricultores da provincia da necesidade de adoptar medidas para evitar a chegada de pragas e enfermidades ante as primeiras choivas de setembro.
O persoal técnico da Estación advirte de que as viñas máis tardías teñen a posibilidade de verse afectadas debido a que, malia o descenso das temperaturas nocturnas, as diúrnas seguen a ser propicias para o desenvolvemento da botrite.
Por este motivo, recomendan a aplicación dun funxicida natural dirixido aos acios.
No caso de non optar por este tratamento e de quedar aínda tempo para a vendima, aconsellan realizar operacións de mellora da ventilación.
Desde O Areeiro tamén desaconsellan eliminar brazos de plantas e cepas con síntomas de enfermidades da madeira en condicións de tempo húmido, xa que isto podería incrementar a densidade de esporas no ambiente.
Sobre o mildio, os técnicos informan de que apenas se observaron manchas de maneira circunstancial en plantas sen tratamento que non sufriron defoliación total.
En canto ás árbores froiteiras, os expertos lembran a importancia de retirar e eliminar froita podre tanto da árbore como do chan para reducir a presenza de patóxenos e de insectos como avespas e moscas da froita.
Para os castiñeiros, recomendan a retirada dos ourizos caídos prematuramente ou que presenten cor marronácea na árbore, co obxectivo de minimizar a presenza do patóxeno Gnomoniopsis e dalgúns insectos da castaña.
Relacionadas:
-
Luis López denuncia o "ostracismo" por "razóns ideolóxicas" aos colectivos veciñais por parte do anterior goberno de Carmela Silva
Por Oskar Viéitez |
-
Como optimizar o cultivo do kiwi con intelixencia artificial
Por Oskar Viéitez |
-
Advirten da presenza de trips en viñas da comarca do Salnés e de brotes de mildio
Por Redacción |