O PP reclama a "revitalización" do Mercado Virxe do Camiño
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
O Partido Popular de Pontevedra demanda ao goberno local a "revitalización" do Mercado Municipal Virxe do Camiño, unha galería comercial con entrada por Frei Juan de Navarrete e saída por Sagasta.
A concelleira do PP Silvia Junco visitou os postos ante o interese dalgúns comerciantes potenciais por ocupar os establecementos baleiros e denunciou o "abandono absoluto ao que someteu o Concello a este mercado".
Segundo sinalou, a día de hoxe, estas galerías perderon actividade comercial "por culpa dun alcalde que permitiu que se orixinase un problema crónico de condensación, coas paredes cheas de gretas e manchas de humidade ou mofo que transmiten unha imaxe decadente do Mercado".
A edil popular ha reclamado ao goberno municipal "que exerza as súas obrigacións en materia de mantemento", do mesmo xeito que na Praza de Abastos, e reúnase cos comerciantes para impulsar unha "mellora substancial" da iluminación, a limpeza e a humidade.
"Os recursos municipais están infrautilizados pola desidia do BNG. Da vintena de establecementos do Mercado Virxe do Camiño, a metade levan anos pechados e transmiten unha imaxe de abandono que non podemos tolerar desde a oposición", recriminou Silvia Junco.
Os empresarios recoñecen que, hai un ano, iniciáronse uns traballos de embelecemento coa axuda dun artista urbano que foi contratado para realizar uns grafitis pero "as tarefas quedaron a medias sen recibir ningunha explicación do Concello".
Silvia Junco tamén esixiu que se liciten as postos vacantes para "dinamizar o mercado e recuperar a vida que tiña anos atrás".
Para as próximas datas festivas, unha das suxestións que acordou cos comerciantes para estimular as vendas durante o Nadal, sería que o Concello destinase diñeiro a mellorar a decoración do Nadal, a iluminación festiva e un fío musical para convidar os viandantes a entrar nesta galería comercial a realizar as súas compras.