Un tribunal popular xulga dende hoxe os catro acusados do crime do Umia
Por Redacción
Un xurado popular decidirá a partir deste luns, e durante toda a semana, sobre as responsabilidades penais do veciño de Cuntis de 23 anos Adrián Ferro Couto; os veciños da Estrada Héctor Vázquez Liste, alias 'Ziritione', de 30 anos, e Jesús Piñeiro Mera, alias 'Chicho', de 55; e o caldense Borja Coucheiro Sanjurjo, de 25 anos. Os catro están acusados do coñecido como crime do Umia no que a vítima é o veciño de Moraña Enrique Monteagudo.
Os catro procesados encóntranse en prisión por estes feitos e serán xulgados na Sección Cuarta de la Audiencia Provincial de Pontevedra. A sala reservou catro días, do 10 ao 13 de marzo, e están previstas medidas de seguridade específicas para evitar enfrontamentos entre os acusados xa que estes se inculpan uns a outros.
Os catro están acusados de ser coautores da morte de Enrique Monteagudo e a fiscal, Marta Durántez, solicita a mesma pena para cada un deles, 20 anos de prisión e unha indemnización de 150.000 euros a favor dos pais do falecido.
Segundo o relato dos feitos formulado no escrito de acusación, sobre as 15.30 horas do 22 de xullo de 2010, Enrique, que entón tiña 30 anos, acudiu ao lugar da Pontenova (Caldas de Reis) onde quedara con Adrián, que acudiu á cita cos outros tres acusados Borja, Héctor e Xesús.
"Unha vez todos no devandito lugar, os acusados, guiados por un ánimo común de rematar coa vida de Enrique," e de forma "sorpresiva, e sen que este tivese oportunidade de defenderse", propináronlle, utilizando un obxecto contundente, un forte golpe no pescozo.
Como consecuencia do impacto o mozo caeu ao chan onde, segundo a versión que traslada a Fiscalía, o golpearon na cabeza e na cara, así como "utilizando un instrumento cortante e afiliado, propináronlle diversos cortes no colo", falecendo a vítima de xeito case inmediato.
Relacionadas:
-
Gardas civís e forenses declaran na terceira xornada do xuízo polo crime do Umia
Por Oskar Viéitez |
-
Os teléfonos móbiles sitúan os catro acusados polo crime do Umia no lugar dos feitos
Por Oskar Viéitez |
-
Prorrogan a prisión a dous acusados do crime do Umia porque a proximidade do xuízo "incrementa o risco de fuga"
Por Natalia Puga |
-
Aprazan o xuízo do crime do Umia porque un dos catro acusados "non se encontra capacitado"
Por Natalia Puga |
-
"Para nós, dende logo, a sentencia xa está feita, son culpables os catro do asasinato de meu irmán"
Por Natalia Puga |